किराँत जनवादी वर्कर्स पार्टी सरकारलाई हतियार बुझाउन तयार

पूर्वी नेपालमा सशस्त्र भूमिगत आन्दोलन गर्दै आएको किराँत जनवादी वर्कर्स पार्टीले सरकारलाई हतियार बुझाउने भएको छ । वर्कर्स र सरकारबीच मंगलबार शान्ति मन्त्रालयमा भएको वार्तामा आगामी बस्ने वार्तामा प्रक्रियागत ढङ्गबाट हतियार सरकारलाई बुझाउने सहमति भएको वर्कर्स्का तर्फबाट वार्ता संयोजक सुमन वान्तवाले जानकारी दिए ।

शान्ति मन्त्रालयका तर्फबाट शान्तिमन्त्री सत्य पहाडी, गृहराज्यमन्त्री भीमराज चौधरी र वर्कस बीच विभिन्न पाँचबुँदे सहमति भएको छ । वार्तामा विगतमा सरकारसँग भएको सम्झौता कार्यान्वयन हुनुपर्ने, आन्दोलनका क्रममा भएका सरकारी मुद्दा फिर्ता लिनुपर्ने लगायतका सम्झौता भएको हो ।वार्तामा भोजपुरका राजनीतिक संयन्त्रका प्रतिनिधि शेरधन राईले मध्यस्थताको भूमिका निभाएका थिए ।